---
title: "പ്രമുഖ സോഷ്യലിസ്റ്റ് നേതാവ് കെ.പി. ചാത്തുകുട്ടി മാസ്റ്ററുടെ 17-ാം ചരമവാർഷികം ആചരിച്ചു ; ഉന്നത വിജയികളെ ആദരിച്ചു"
english_title: "KP Chathukutty Master 17th Death Anniversary Observed in Kadavathur; Top Students Honored"
publisher: "panoornews.in"
canonical_url: "https://panoor.truevisionnews.com/news/374246/kp-chathukutty-master-17th-death-anniversary-observed-in-kadavathur-top-students-honored"
published_at: "2026-07-24T08:56:00+05:30"
category: "News"
language: "ml"
image: "https://panoor.truevisionnews.com/image-uploads/6a62dc45a46ae_kp-chathukutty-master-17th-death-anniversary-.jpg"
keywords: ["KP Chathukutty Master", "Kadavathur", "Janata Dal", "Death Anniversary", "Socialist Leader"]
---

# പ്രമുഖ സോഷ്യലിസ്റ്റ് നേതാവ് കെ.പി. ചാത്തുകുട്ടി മാസ്റ്ററുടെ 17-ാം ചരമവാർഷികം ആചരിച്ചു ; ഉന്നത വിജയികളെ ആദരിച്ചു

> **Lead Summary:** കടവത്തൂർ:പ്രമുഖ സോഷ്യലിസ്റ്റും ജനതാദൾ നേതാവും സാംസ്കാരിക പ്രവർത്തകനുമായിരുന്ന കെ.പി. ചാത്തുകുട്ടി മാസ്റ്ററുടെ 17-ാം ചരമവാർഷികം കടവത്തൂരിൽ ആചരിച്ചു. അനുസ്മരണ സമ്മേളനവും വിവിധ പൊതുപരീക്ഷകളിൽ ഉന്നത വിജയം നേടിയ വിദ്യാർഥികൾക്കുള്ള അനുമോദനവും ഇതോടനുബന്ധിച്ച് സംഘടിപ്പിച്ചു.

## Article Content

കടവത്തൂർ:പ്രമുഖ സോഷ്യലിസ്റ്റും ജനതാദൾ നേതാവും സാംസ്കാരിക പ്രവർത്തകനുമായിരുന്ന കെ.പി. ചാത്തുകുട്ടി മാസ്റ്ററുടെ 17-ാം ചരമവാർഷികം കടവത്തൂരിൽ ആചരിച്ചു. അനുസ്മരണ സമ്മേളനവും വിവിധ പൊതുപരീക്ഷകളിൽ ഉന്നത വിജയം നേടിയ വിദ്യാർഥികൾക്കുള്ള അനുമോദനവും ഇതോടനുബന്ധിച്ച് സംഘടിപ്പിച്ചു.

മുൻമന്ത്രി കെ.പി. മോഹനൻ ഉദ്ഘാടനം ചെയ്തു. പൊതുജീവിതത്തിൽ സത്യസന്ധതയും ജനസേവനവും ഉയർത്തിപ്പിടിച്ച നേതാവായിരുന്നു കെ.പി. ചാത്തുകുട്ടി മാസ്റ്ററെന്ന് അദ്ദേഹം പറഞ്ഞു. പുതിയ തലമുറയ്ക്ക് മാതൃകയാകുന്ന ജീവിതമാണ് അദ്ദേഹത്തിന്റേതെന്നും സാമൂഹിക പ്രതിബദ്ധതയും ജനാധിപത്യ മൂല്യങ്ങളും ഉയർത്തിപ്പിടിച്ച അദ്ദേഹത്തിന്റെ പ്രവർത്തനങ്ങൾ എന്നും സ്മരിക്കപ്പെടുമെന്നും അദ്ദേഹം കൂട്ടിച്ചേർത്തു.

ആർ.ജെ.ഡി. സീനിയർ നേതാവ് കെ.പി. ചന്ദ്രൻ മാസ്റ്റർ, രവീന്ദ്രൻ കുന്നോത്ത്, ഒ.പി. ഷീജ, എൻ. ധനജ്ഞയൻ, പി.പി. പവിത്രൻ, പി. ദിനേശൻ, സി.കെ.ബി. തിലകൻ, ഹരീഷ് കടവത്തൂർ എന്നിവർ അനുസ്മരണ പ്രഭാഷണം നടത്തി. സാമൂഹിക, സാംസ്കാരിക, രാഷ്ട്രീയ രംഗങ്ങളിൽ കെ.പി. ചാത്തുകുട്ടി മാസ്റ്റർ നൽകിയ സംഭാവനകൾ പ്രഭാഷകർ അനുസ്മരിച്ചു.

തുടർന്ന് സ്മൃതി മണ്ഡപത്തിൽ പുഷ്പാർച്ചന നടത്തി. ഗ്രാമപഞ്ചായത്ത് അംഗം കെ.സി. മുകുന്ദൻ, വി.പി. ചാത്തുമാസ്റ്റർ, കരുവാങ്കണ്ടി ബാലൻ, രാഗേഷ് പി.പി., കെ.പി. റിനിൽ, കെ.കെ. ദാമു, പി.ടി.കെ. നാരായണൻ, കെ.പി. പ്രഭാകരൻ, ഒ.കെ. സുരേന്ദ്രൻ, കൈവേലിക്കൽ ഭാസ്കരൻ, കല്ലിൽ ചന്ദ്രൻ, വി.പി. ആഷിൻ, പി. നാണു, കെ. സജീവൻ എന്നിവർ നേതൃത്വം നൽകി.

ചടങ്ങിൽ എസ്.എസ്.എൽ.സി., ഹയർസെക്കൻഡറി ഉൾപ്പെടെയുള്ള വിവിധ പരീക്ഷകളിൽ ഉന്നത വിജയം നേടിയ വിദ്യാർഥികളെ ഉപഹാരവും പ്രശസ്തിപത്രവും നൽകി ആദരിച്ചു. കെ.പി. ചാത്തുകുട്ടി മാസ്റ്ററുടെ കുടുംബാംഗങ്ങൾ, നാട്ടുകാർ, പാർട്ടി പ്രവർത്തകർ, സാമൂഹിക-സാംസ്കാരിക രംഗത്തെ പ്രവർത്തകർ, വിദ്യാർഥികൾ തുടങ്ങി നിരവധി പേർ ചടങ്ങിൽ പങ്കെടുത്തു.

### Related Links & Sources
- [Original Story Source](https://panoor.truevisionnews.com/news/374246/kp-chathukutty-master-17th-death-anniversary-observed-in-kadavathur-top-students-honored)