ഇരിട്ടി-കണ്ണൂർ റൂട്ടിൽ കാറും ഓട്ടോയും കൂട്ടിയിടിച്ച് അപകടം: ഓട്ടോ ഡ്രൈവർ മരിച്ചു

കണ്ണൂർ: ഇരിട്ടി-കണ്ണൂർ റൂട്ടിൽ കാഞ്ഞിരോട് വെച്ച് കാറും ഓട്ടോറിക്ഷയും കൂട്ടിയിടിച്ച് ഉണ്ടായ അപകടത്തിൽ ഓട്ടോ ഡ്രൈവർ മരിച്ചു.ഇന്ന് രാവിലെ 8.15-ഓടെയാണ് അപകടം. കാഞ്ഞിരോട് സർവീസ് സഹകരണ ബാങ്കിന് സമീപം വെച്ച് കണ്ണൂർ ഭാഗത്തു നിന്നും വന്ന കാർ, ഇരിട്ടിയിൽ നിന്നും കണ്ണൂരിലേക്ക് ട്രിപ്പ് പോവുകയായിരുന്ന ഓട്ടോറിക്ഷയുമായി കൂട്ടിയിടിക്കുകയായിരുന്നു.

അപകടത്തിൽ ഗുരുതരമായി പരുക്കേറ്റ ഓട്ടോ ഡ്രൈവർ ഇരിട്ടിക്കടുത്ത് പയഞ്ചേരി വികാസ് നഗർ സരോവരം നിവാസിൽ കെ. സുരേഷ് ബാബു 54-നെ ഉടൻ കണ്ണൂർ എ.കെ.ജി ആശുപത്രിയിലെത്തിച്ചെങ്കിലും രക്ഷിക്കാനായില്ല. തലയ്ക്കും നെഞ്ചിനുമേറ്റ പരുക്കാണ് മരണകാരണമായത്.

പയഞ്ചേരിയിലെ പരേതരായ കരിന്ത കുഞ്ഞിക്കണ്ണൻ നമ്പ്യാരുടെയും കണിയേരി സരോജിനിയമ്മയുടെയും മകനാണ് സുരേഷ് ബാബു. ഭാര്യ ഷൈനി. മക്കൾ: ബിരുദ വിദ്യാർത്ഥിനി വൈദേഹി, ചാവശ്ശേരി ഗവ. ഹയർ സെക്കൻഡറി സ്കൂൾ പ്ലസ് ടു വിദ്യാർത്ഥി ഹർഷവർദ്ധൻ, എടൂർ സെൻ്റ് മേരീസ് ഹയർ സെക്കൻഡറി സ്കൂൾ പത്താം ക്ലാസ് വിദ്യാർത്ഥി കാർത്തിക് ദേവനായക്.

സഹോദരങ്ങൾ: കണ്ണൂർ പി.ആർ.ഡി ഓഫീസിലെ ജയപ്രകാശ്, കണ്ണൂർ കോർപ്പറേഷനിലെ പ്രേമരാജൻ, പ്രസീജ കണ്ണൂർ.

Also read: കതിരൂരിൽ കാട്ടുപന്നിയുടെ ആക്രമണം: 77 കാരിക്ക് കുത്തേറ്റ് പരിക്ക്

 അപകടത്തെ തുടർന്ന് ഇരിട്ടി-കണ്ണൂർ റൂട്ടിൽ അരമണിക്കൂറോളം ഗതാഗതം തടസ്സപ്പെട്ടു.

Content Highlight: Kannur Road Accident: Auto Driver Dies in Car-Auto Collision at Kanjirad

#Iritty #Kannur Road #Accident #Auto Driver #Death