#Minor Driving #Motor Vehicle Act #Traffic Violation #Scooter Accident #Elankode
പാനൂർ:(www.panoornews.in) അപകടകരമായ രീതിയിൽ സ്കൂട്ടറോടിച്ച പ്രായപൂർത്തിയാകാത്ത കുട്ടിക്കെതിരെയും വാഹനം നൽകിയ ആർ.സി ഉടമയായ അമ്മക്കെതിരെയും പാനൂർ പോലീസ് കേസെടുത്തു.
എലാങ്കോട് ഫ്ലവർ മില്ലിന് സമീപം വെച്ച് വാഹന പരിശോധന നടത്തുകയായിരുന്നു എസ്.ഐ വി.പി. മുഹമ്മദ് ഷജീറും സംഘവും. ഇതിനിടെ KL 58 AL 4072 നമ്പർ സ്കൂട്ടർ സംഘത്തിന് മുന്നിലൂടെ കടന്നുപോയി. കൈ കാണിച്ചിട്ടും നിർത്താതെ പോയ സ്കൂട്ടറിനെ കുറിച്ച് മറ്റ് പോലീസുകാർക്ക് വിവരം കൈമാറി.
തുടർന്ന് പൊലീസ് സ്റ്റേഷന് മുന്നിൽ വെച്ച് സ്കൂട്ടർ തടഞ്ഞപ്പോഴാണ് സ്കൂട്ടർ ഓടിച്ചത് പ്രായപൂർത്തിയാകാത്ത ആളാണെന്ന് കണ്ടെത്തിയത്.
തുടർന്ന് BNS 125, മോട്ടോർ വെഹിക്കിൾ ആക്ട് 1988 ലെ സെക്ഷൻ 5, 180, 199(1), 199A(2) എന്നീ വകുപ്പുകൾ പ്രകാരം വാഹനത്തിന്റെ ആർ.സി ഉടമയായ എലാങ്കോട് മോറന്റവിട ഹൗസിലെ രാരി അനുരൂപിനെതിരെയാണ് കേസെടുത്തത്.
പ്രായപൂർത്തിയാകാത്ത കുട്ടിക്ക് വാഹനം നൽകുക വഴി സ്വന്തം ജീവനും മറ്റുള്ളവരുടെ വ്യക്തിപരമായ സുരക്ഷയ്ക്കും ഭീഷണി ഉണ്ടാക്കിയെന്നാണ് കേസ്. ഈ കുറ്റത്തിന് ചുരുങ്ങിയത് ഒരു ലക്ഷം രൂപ വരെ പിഴ ലഭിക്കാവുന്നതാണ്.
Content Highlight: Minor Riding Scooter in Panur: Case Registered Against Mother, Rs 1 Lakh Fine Possible
#Minor Driving #Motor Vehicle Act #Traffic Violation #Scooter Accident #Elankode
